الموت هيـن والبـلا وش ورا المـوت
يـوم الحسـاب يهـون سهـم المنايـا
باكر نمـوت وتصبـح قبورنـا بيـوت
عقـب القصـور بضيقـات الـرزايـا
في جوف الارض وكل من حولك سكوت
وتعاقبـن بالقـبـر عــوج الحنـايـا
يـارب يامنجـي نبيـك مـن الحـوت
سترك وعفـوك يـوم كشـف الخفايـا
باكر ليا جينـا علـى داعـي الصـوت
شيبـان واطفـال وشبـاب وصبـايـا
ندعـي وحنـا بيـن باكـي ومبهـوت
ورحنـا لهـا ننقـاد مـثـل السبـايـا
يـارب تهدينـي قبـل لحظـة الفـوت
وتغفرذنـوبـي ياكـريـم العـطـايـا
اشكيك هـم داخـل الصـدر مكبـوت
وايامـي الـلـي بالخطـايـا مـلايـا
أن لاذ بك من كـان طايـع ومبخـوت
فـي مـن يلـوذ المرتكـب للخطايـا
يـارب ياقـادر علـى كـل طاغـوت
لاياقـف اللـي وحـدوبـك خـزايـا
رحماك لامنـا صحينـا مـن المـوت
واليـا وقفنـا عنـد بـابـك عـرايـا
الرئيسية
قسم الترشيح للاشراف
